26 iyul 2012 13:41
Olimpiadada ilk qalmaqal
2012-ci il London Yay Olimpiya Oyunları çərçivəsində start götürən qadın futbolçuların mübarizəsində qalmaqal baş verib. Azerisport.az xəbər verir ki, KXDR milli komandasının oyunçuları Kolumbiya yığması ilə matça çıxmaqdan imtina edib.
Qalmaqal stadionda KXDR bayrağının Cənubi Koreyanınkı kimi göstərilməsi ilə əlaqədar baş verib. Arenadakı böyük ekranda Şimali Koreya yığmasının bir neçə futbolçusunun portretinin yanında Cənubi Koreya bayrağı nümayiş etdirilib. Bu səbəbdən, futbolçular meydançaya çıxmaq istəməyiblər.
Təşkilatçılar KXDR bayrağını stadiondakı hər iki böyük ekrandan çıxarıblar və Şimali Koreya yığmasından üzr istəyiblər. Məhz bundan sonra oyun başlayıb. Nəzərdə tutulan vaxtdan bir saat gec start götürən görüş elə KXDR yığmasının qələbəsi ilə nəticələnib – 2:0. Hər iki qolu Kim Son Hyu vurub.
