“Bakının olimpiadaya ev sahibliyi ilə bağlı ərizəsi əvvəlkindən daha yaxşıdı”
23 may 2012 15:52
“Bakının 2020-ci il olimpiadasına ev sahibliyi ilə bağlı ərizəsi 2016-cı il Olimpiya Oyunlarını qəbul etməklə bağlı əvvəlki səylərindən daha yaxşıdı. Azərbaycan öz səhvlərindən nəticə çıxarıb”. Azerisport.az xəbər verir ki, bu barədə Azərbaycanın gənclər və idman naziri Azad Rəhimov AFP-yə müsahibəsində deyib.
Nazirin sözlərinə görə, bu dəfə o, Bakının ərizəsindən razıdı: "Bu, əla təklifdi. Hazırkı ərizəmiz bundan əvvəlki ərizədə buraxılan səhvləri düzəltmək üçün çox diqqətlə hazırlanıb. Bu təklif daha yüksək keyfiyyətlidir. Son dörd il ərzində ölkə çox güclü şəkildə dəyişib".
Onun sözlərinə görə, Azərbaycanda mühüm idman yarışları keçirmək (o cümlədən 2011-ci ildə həvəskar boks üzrə dünya çempionatı) mədəniyyətini təqdim etməklə Bakı BOK-u ölkə ilə tanış edir. Ölkədə idmanın inkişaf etdiyi intensivlik Azərbaycanın xeyrinə daha bir amil olub: "Son 12 ildə idmana, onun infrastrukturuna və başqa sahələrə bir milyard dollar sərmayə qoyulub. Pekində biz idmanın 11 növünü təqdim etdik, dörd il sonra isə Londonda 16 növ təqdim edəcəyik. Bu o deməkdir ki, qısa müddətdə beş yeni idman federasiyası yaradılıb".
Onun sözlərinə görə, hazırda Azərbaycanda keçirilən "Eurovision" BOK üçün müsbət işarə və yaxşı əlamətdi: "Biz bu müsabiqəni keçirdiyimizə görə çox fəxr edirik. Bu, ölkənin nə qədər dəyişdiyini göstərir. Mən çox fəxr edirəm ki, müsabiqənin keçirildiyi 215 minlik zal cəmi yeddi ay ərzində tikilib". (Trend)
