Bakıda 150 min dollarlıq yarış bu gün başa çatır
10 may 2012 12:06
Mayın 8-də Bakıda Azərbaycan Respublikası Atçılıq Federasiyası tərəfindən atçılığın konkur növü üzrə CSİ - 3* kateqorityalı beynəlxalq turnirə start verilib. Azerisport.az xəbər verir ki, ümummili lider Heydər Əliyevin xatirəsinə həsr olunmuş dünya kubokunun təsnifat mərhələsinin mükafat fondu 156 000 dollardı.
Yarışda Azərbaycan idmançılarıyla yanaşı Gürcüstan, İran, Finlandiya və Belçika çaparı da iştrak edir. Xatırladaq ki, dünya kubokunun təsnifat mərhələsini Türkiyə və İrandan olan hakimlər briqadası nəzarət edir. Yarışın ilk günü həmyerlimiz Seid Müasey bütün rəqiblərini qabaqlayaraq çempion adına layiq görülüb. İkinci pilləni isə ölkəmizi Olimpiya oyunlarında təmisl edəcək Camal Rəhimov tutub. Üçüncü yerin sahibi Azərbaycan bayrağı altında çıxış edən Patric Mcentee olub.
Dünən keçirilən yarışın ikinci günündə isə Gürcüstanlı Şalva Qaçeçiladze “Saturn” ləqəbli atla bütün rəqiblərini qabaqlayaraq birinci yeri tutub. İkinci pillənin sahibi isə “Bahar MNM” ləqəbli atla Belçikalı idmançı Jody Bosteels olub. Həmyerlimiz Patric Macentee isə “Zidane” ləqəbli atla üçüncü nəticə göstərib.
Qeyd edək ki, turnirin final mərhələsi bu gün Binə atçılıq mərkəsində keçiriləcək
