Afaq Sultanova: Bu, mənim üçün çox mühüm uğurdu
31 avqust 2012 23:05
London Yay Paralimpiadasında çempion olan cüdo üzrə yığmamızın üzvü Afaq Sultanova final görüşündən dərhal sonra azerisport.az saytının suallarını cavablandırıb.
- Qələbə münasibətilə sizi təbrik edirik. Bir ay öncəki müsahibənizdə öz gücünüzə inandığınızı demişdiz...
- Fikrimcə, məhz özüməinamım qələbə qazanmağıma kömək etdi. Bu, mənim üçün çox mühüm zəfərdi.
- Ötən gün Ramin finalda inamlı qələbə qazandı. Siz də vaxtından öncə qələbəni təmin etdiniz. Bu, nə ilə bağlıdı?
- Düşünmürəm ki, Paralimpiadada zəif rəqib olsun. Hamı bura qələbə qazanmaq üçün gəlir. Sadəcə, kimdəsə alınır, kimdəsə yox. Məndə də belə bir uğur qazanmaq alındı.
- Düşünmürəm ki, Paralimpiadada zəif rəqib olsun. Hamı bura qələbə qazanmaq üçün gəlir. Sadəcə, kimdəsə alınır, kimdəsə yox. Məndə də belə bir uğur qazanmaq alındı.
- Amma finaldakı rəqibiniz – braziliyalı cüdoçu əsas favoritlərdən sayılırdı...
- Mən onu deyəsən 47 saniyəyə məğlub etdim. Ola bilsin ki, mən ondan daha güclü idim. Amma inanın ki, final görüşünə çox ciddi hazırlaşmışdım. Öz zamanımı gözləyirdim. İmkan düşən kimi, sevimli fəndimi həyata keçirdim.
- Bəs yarımfinal görüşündə türkiyəli rəqibinizlə görüşdə qələbəniz niyə belə çətin alındı?
- Sizə bir sirr açım. Mən onunla rəfiqəyəm. Ona görə də xal hesabıyla qələbə qazanmağa qərar verdim (gülür).
- Sizə bir sirr açım. Mən onunla rəfiqəyəm. Ona görə də xal hesabıyla qələbə qazanmağa qərar verdim (gülür).
- Sizin ilk Paralimpiadanız uğurlu alındı. Ümid edirik ki, belə böyük zəfərlərinizin sayı çox olacaq...
- Mən də gələcəkdə növbəti qələbələrə çox inanıram. Özü də elə-belə yox, “ippon”la.
