28 noyabr 2012 12:26
Bakıda daha bir qanunsuz totalizator fəaliyyəti göstərən obyekt aşkarlandı
Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi əməkdaşları Bakıda qanunsuz mərc oyunları təşkil edən kluba baxış keçirib. Azerisport.az xəbər verir ki, idarə əməkdaşları tərəfindən Nəsimi rayonu ərazisindəki "Zenit bet" klubunda, Bakı şəhər sakinləri Aslan Quliyevin və Rəşad Bədəlovun mərc oyunları təşkil etmələri müəyyən edilib.
Kluba baxış zamanı 1 ədəd kompüter, 2 ədəd televizor, 1 ədəd modem, 1 ədəd antena bloku, 66500 manat dəyərində 1654 ədəd müştərilərə satılmış kupon qəbzlərin kötükləri, 232 manat pul və digər ləvazimatlar aşkar edilib. Aşkar edilən ləvazimatlar və digər maddi sübutlar götürülüb.
Fakt üzrə araşdırmalar davam etdirilir.
