10 sentyabr 2013 15:14
Nazir Azad Rəhimov Buenos-Ayresdə görüşlər keçirib (FOTO)
Sentyabrın 9-da Azərbaycan Respublikasının gənclər və idman naziri Azad Rəhimov Beynəlxalq Olimpiya Komitəsinin 125-ci Sessiyasına səfəri çərçivəsində Avropa Olimpiya Komitəsinin (AOK) rəhbərliyi ilə 2015-ci ildə Bakıda keçiriləcək Birinci Avropa Oyunlarına hazırlıq məsələlərini müzakirə edib. Azerisport.az xəbər verir ki, görüşdə AOK-un prezidenti Patrik Hikki də iştirak edib.
Bu gün isə Azad Rəhimov London Olimpiya Oyunlarının baş icraçı direktoru lord Sebastyan Coe ilə görüşüb. Görüş zamanı Birinci Avropa Oyunlarına hazırlıq işlərində London olimpiadasının uğurlu təcrübəsindən yararlanmaq və bu sahədə görülən işlər əsas müzakirə mövzusu olub.
Nazir Azad Rəhimovun Dünya İdman Mətbuatı Assosiasiyasının (AIPS) prezidenti Canni Merlo ilə görüşü zamanı isə gələn il aprelin sonunda Bakıda təşkil ediləcək AIPS-in 77-ci konqresinə hazırlıq işləri müzakirə edilib. Qeyd edək ki, AIPS-in 90 illik yubileyi də gələn il qeyd ediləcək.
Nazir Azad Rəhimov bu gün bir çox dünya və Avropa federasiyalarının rəhbərləri ilə də görüşüb.
