Alfa Sığorta şirkəti kimsəsiz uşaqları sığortaladı
22 oktyabr 2013 11:05
“Alfa Sığorta” şirkətinin kollektivi valideyn qayğısı və sevgisindən məhrum olmuş kimsəsiz uşaqları sevindirməkdə davam edir. Daim uşaq evlərilə əlaqə saxlayaraq, balaca sakinlərin ehtiyyaclarını öyrənərək, bir şirkət olaraq bu ehtiyyacların ödənilməsi istiqamətində əlindən gələni əsirgəməyən “Alfa Sığorta” öz ənənəsinə sadiq qalaraq bu dəfə Günəşli qəsəbəsi, “D” massivində yerləşən 2 saylı uşaq evində valideyin himayəsindən məhrum olmuş körpələri müqəddəs qurban bayramı münasibətilə təbrik etdi.
Kimsəsiz körpələr evini ziyarət zamanı müqəddəs bayram münasibətilə qurbanlar kəsilmiş, körpələr üçün ziyafət və şənlik təşkil edilmişdir.
Ziyafət zamanı “Alfa Sığorta” şirkəti kimsəsiz körpələr evinin rəhbərliyinə evin balaca sakinlər üçün 110 000 AZN məbləğində təminatı olan bədbəxt hadisələrdən sığorta şəhadətnaməsini hədiyyə olaraq təqdim etmişdir.
“Alfa Sığorta” şirkəti valideynləri öz övladlarını atmamağa, onları valideyn sevgisindən məhrum etməməyə çağırır.
Xatırladaq ki, səhmdarı (100%) «Bank Technique» ASC-yə məxsus olan «Alfa Sığorta» şirrkəti 1997-ci ildə təsis edilmişdir. 7,78 mln manat Nizamnamə kapitalına malik “Alfa Sığorta” ASC 35-dən artıq könüllü və icbarı sığorta növləri üzrə fəaliyyət göstərir.
