Cavid İmamverdiyev: Kiyev Dinamosunda qalmaq istəyirəm
26 января 2013 17:46
Ukraynanın “Dinamo” (Kiyev) klubunda baxışda olan futbol üzrə üzrə Azərbaycan yığmasının və “Neftçi”nin yarımmüdafiəçisi Cavid İmamverdiyev yerli mətbuatın diqqət mərkəzindədi. Azerisport.az Cavidin Ukrayna mətbuatına növbəti müsahibəsi ilə sizi də tanış edir.
- Karyeranızda yeni səhifə yazılmaqdadı. Dostlarınız, komanda yoldaşlarınız sizi dəstəkləyirmi?
- Hamısı sağ olsun! Hər kəs məni dəstəkləyir, zəng edirlər, internetdə yazışırıq. Hətta klub prezidenti də işlərimin necə getməsi ilə maraqlanır. Nə deyə bilərəm? Mən oyunçuyam. Əgər alınmasa, qayıdım əvvəlki klubumda oynayacağam, avrokuboklarda mübarizə aparmaq şansı əldə edəcəm. Amma çox istərdim ki, burda işlərim alınsın. “Dinamo” böyük klubdu. Burda kim oynamaq istəməz ki? Mən də bu klubun üzvü olmağı arzulayıram.
- Hamısı sağ olsun! Hər kəs məni dəstəkləyir, zəng edirlər, internetdə yazışırıq. Hətta klub prezidenti də işlərimin necə getməsi ilə maraqlanır. Nə deyə bilərəm? Mən oyunçuyam. Əgər alınmasa, qayıdım əvvəlki klubumda oynayacağam, avrokuboklarda mübarizə aparmaq şansı əldə edəcəm. Amma çox istərdim ki, burda işlərim alınsın. “Dinamo” böyük klubdu. Burda kim oynamaq istəməz ki? Mən də bu klubun üzvü olmağı arzulayıram.
- Yeni komandanızın oyun üslubu sizin üçün heç də alışıq sayıla bilməz...
- Bəli, fərqlər var. “Dinamo-2”-də ora-bura çox qaçmalı, mübarizə aparmalı olursan. “Neftçi”də isə mən topla daha çox davranırdım. Komanda yoldaşlarımla da bir-birimizi yaxşı başa düşürdük, yerlə oynayırdıq. Başa düşürəm ki, yeni klubumun oyun üslubuna uyğunlaşmaq lazımdı. Ümid edirəm ki, yeni komanda yoldaşlarımın da etimadını qazana biləcəm.
- “Dinamo”da keçirdiyiniz oyunları izlərkən belə nəticəyə gəldik ki, sizin əsas üstünlüyünüz sürət və texnikadı...
- Bəli, elədi. Mən çalışıram ki, komanda yoldaşımdan topu qəbul edən kimi, dərhal kimin hara açıldığına fikir verim. Rəqibdən daha erkən qərar qəbul etməyə çalışıram. Hücum etməyi çox sevirəm. Özüm də qapıya zərbə vurmağı xoşlayıram, ideal mövqedə olan komanda yoldaşıma ötürmə etməyi də.
- Sizin “Dinamo”dakı aqibətinizə nə vaxt aydınlıq gələcək?
- Hələlik, Andrey Qusinin necə qiymət verəcəyini gözləyirəm. Ayın 27-də isə baş məşqçi Oleq Bloxin də gələcək. Əgər hər şey alınsa, müqavilə imzalayacam. Alınmayacağı təqdirdə isə geri qaytaracaqlar.
- Hələlik, Andrey Qusinin necə qiymət verəcəyini gözləyirəm. Ayın 27-də isə baş məşqçi Oleq Bloxin də gələcək. Əgər hər şey alınsa, müqavilə imzalayacam. Alınmayacağı təqdirdə isə geri qaytaracaqlar.
- Azərbaycan yığmasında iki Ukrayna əsilli futbolçu çıxış edir – Levin və Çertoqanov...
- Tanıyıram. Onlarla dostam. Yaxşı oğlanlardı. Bizdə onlara hörmətlə yanaşırlar.
- Ukraynada sizin ona yaxın həmyerliniz çıxış edib...
- Kimləri nəzərdə tutursuz?
- Samir Əliyevlə Kamal Quliyev “Volın”da özlərini daha yaxşı göstərə bilmişdilər...
- Əlbəttə, onları tanıyıram. Samir Əliyevlə dostam. Mən də çalışacağam ki, “Dinamo”da qalsam, uğurlu çıxışımla yadda qalım.
