26 декабря 2011 13:18
Azərbaycanın ən güclüləri müəyyənləşdi (FOTOREPORTAJ)
“Sərhədçi” İdman Olimpiya Mərkəzində böyüklər arasında güləş üzrə Azərbaycan çempionatına yekun vurulub. Azerisport.az xəbər verir ki, açılış mərasimində çıxış edən gənclər və idman nazirinin müavini İsmayıl İsmayılov və Azərbaycan Güləş Federasiyasının (AGF) vitse-prezidenti Elçin Cəfərov ölkəmizdə güləş məktəbinin ənənələrindən söz açıblar.
Natiqlər son dövrlərdə idmançılarımızın beynəlxalq yarışlarda uğurlu çıxışını qeyd etmiş və bu işdə dövlətin idmana qayğısını xüsusi vurğulayıblar. Onlar ölkəmizdə idmanın, o cümlədən güləşin inkişafına göstərdiyi diqqət və qayğıya görə Azərbaycan Prezidenti, Milli Olimpiya Komitəsinin prezidenti İlham Əliyevə təşəkkürlərini bildiriblər. Güləşçilərimiz 2012-ci ildə Londonda təşkil olunacaq Yay Olimpiya Oyunlarına 7 lisenziyanı təmin ediblər. Ümumilikdə, 10 idman növündə 29 lisenziya qazanılıb. İdmançılarımızın Yay Olimpiya Oyunlarınadək daha 20 lisenziya qazanmaq şansı var. Olimpiya oyunlarından əlavə, gələn il bu turnirin qaliblərini Avropa, dünya çempionatları və dünya Kuboku yarışları kimi mötəbər turnirlər gözləyir.
Yarışın nəticələrinə əsasən, çəki dərəcələri üzrə ilk 3 yeri tutmuş idmançılar AGF tərəfindən diplom, medal və pul mükafatı ilə təltif ediliblər. Həmin güləşçilər ölkə yığma komandasının heyətinə cəlb ediləcək və tam dəst idman geyimi ilə təmin olunacaqlar.
Çempionatın ilk iki günü yunan-Roma güləşi üzrə 154 pəhləvan mübarizə aparıb. Nəticələr aşağıdakı kimidi:
55 kq
1. Eldəniz Əzizli
2. Elçin Əliyev
3. Vilayət Qəhrəmanlı
3. Elman Muxtarov
60 kq
1. Kamran Məmmədov
2. Orxan Paşayev
3. Rövşən Bayramov
3. Sakit Cəlilov
66 kq
1. Həsən Əliyev
2. Vitali Rəhimov
3. Rəsul Çunayev
3. Əsədov Anar
74 kq
1. Niyaməddin İbrahimov
2. Samuray Mustafayev
3. Elvin Mürsəliyev
3. Emin Əhmədov
84 kq
1. Rafiq Hüseynov
2. Hamzat Yusupov
3. Şəhriyar Məmmədov
3. Rüfət Hüseynov
96 kq
1. Şalva Qadabadze
2. Saman Təhmasibi
3. Murtuza Tağıyev
3. Araz Həsənov
120 kq
1. Maksim Proxorov
2. Musa Mirzəyev
3. Zaur Mehrəliyev
3. Məsud Həşimzadə
Daha sonra isə sərbəst güləşçilər mübarizəyə qoşulublar. Ümumilikdə 190 pəhləvanın mübarizə apardığı yarışlarda nəticələr aşağıdakı kimidi:
55 kq
1. Namiq Sevdimzadə
2. Qalib Əliyev
3. Etibar Hacıyev
3. Cəlal Süleymanov
60 kq
1. Toğrul Əsgərov
2. Ağahüseyn Mustafayev
3. Hacı Əliyev
3. Ramil Ələkbərov
66 kq
1. Emin Əzizov
2. Ruslan Dibirhacıyev
3. Zəlimxan Hüseynov
3. Bəxtiyar İsrafilli
74 kq
1. Cəbrayıl Həsənov
2. Aleksandr Qostiyev
3. Elnur Əliyev
3. Aqil Quliyev
84 kq
1. Çamsulvara Çamsulvarayev
2. İlya Xamikoyev
3. Məhəmmədhacı Xatiyev
3. Novruz Temrezov
96 kq
1. Aslanbek Alborov
2. Toxtar Temrezov
3. Babay Məhəmmədov
3. İlham Abidov
120 kq
1. Cəmaləddin Məhəmmədov
2. Aslan Dzebişov
3. Əli Maqomeddabirov
3. Əli İsayev
