Şəhriyar Məmmədyarov: Belə nəticə on ildə bir dəfə olur
29 aprel 2014 00:50
“Shamkir Chess 2014” turnirinin 8-ci turunda Hikaru Nakamuraya uduzmuş Şəhriyar Məmmədyarov jurnalistlərin suallarına cavab verib. Azerisport.az xəbər verir ki, şahmatçımız bunları söyləyib:
"Debütdən sonra üstünlüyüm var idi. Tələsmədən oynadım. Şansımı qaçırdım. Səhvə yol verəndən sonra oyun qəlizləşdi. Seytnotda çox sadə gedişləri görmədim. Vəziyyət qəlizləşdi və məğlubiyyət qaçılmaz oldu. Uğursuzluğu iddiaçılar turnirindəki çıxışımla əlaqələndirmək istəməzdim. Fikrim başqa yerdədir. Sanki fikrimi cəmləşdirə bilmirəm. Müəyyən problemlər var. Hər şeyi faciə adlandırmaq da olmaz. Belə nəticə on ildə bir dəfə olur. Son dəfə səkkiz il əvvəl Veyk-An-Zee turnirində belə zəif oynamışdım. Fərdi yarışlarda belə uğursuzluğu bağışlamaq olar. Təki, Dünya Kuboku, yığma ilə birgə dünya çempionatı, olimpiada da belə formada olmayım. Vəziyyətlə barışmaq istəmirəm. Səhvlərimi bilirəm. Üzərində işləyəcəyəm. Hələlik, əlbəttə, son iki turda daha yaxşı oynamaq üçün çalışacağam. Turnirin ilk dövrəsində qeydə alınan nəticələr ikinci dövrədə də təkrarlanır".
Hikaru Nakamura isə partiya haqda bunları deyib: "Partiyada hər şey bərabər başladı. Sonra üstünlük qazanmaq üçün şans yarandı. Düzgün oynayaraq, vacib gedişləri etdim. Sevinirəm ki, qələbə qazandım. İlk dövrədəki nəticələr ikinci dövrədə də təkrarlanır. Sanki qəribə turnir təsiri bağışlayır. Növbəti iki tur əvvəlki 8 turdan daha çətin olacaq. Turniri major notda bitirmək şansımız var".
Hikaru Nakamura isə partiya haqda bunları deyib: "Partiyada hər şey bərabər başladı. Sonra üstünlük qazanmaq üçün şans yarandı. Düzgün oynayaraq, vacib gedişləri etdim. Sevinirəm ki, qələbə qazandım. İlk dövrədəki nəticələr ikinci dövrədə də təkrarlanır. Sanki qəribə turnir təsiri bağışlayır. Növbəti iki tur əvvəlki 8 turdan daha çətin olacaq. Turniri major notda bitirmək şansımız var".
