Elman Rüstəmov Şəhriyar Məmmədyarova dəstək oldu
23 sentyabr 2015 16:20
Bu gün Bakıda keçirilən şahmat üzrə Dünya Kubokunda 1/4 final mərhələsinə start verilib. Azerisport.az Dünya Kubokunun mətbuat xidmətinə istinadla xəbər verir ki, turnirdə mübarizəni davam etdirən yeganə şahmatçımız Şəhriyar Məmmədyarov Rusiya təmsilçisi Sergey Karyakinə qarşı mübarizə aparır.
Bu gün Azərbaycan Şahmat Federasiyasının prezidenti Elman Rüstəmov və Avropa Şahmat İttifaqının prezidenti Zurab Azmayparaşvili Dünya Kubokuna təşrif buyurub. Federasiya prezidenti Elman Rüstəmov şahmatçımız Şəhriyar Məmmədyarovla görüşərək ona uğurlar arzu edib.
