İnterin rəqibi evdə qələbə qazana bilmədi
15 июля 2013 01:03
Avropa Liqasının ikinci təsnifat mərhələsində Bakı “İnter”inin rəqibi olan Norveçin “Tromse” klubu ölkə çempionatı çərçivəsində növbəti matçını keçirib. Azerisport.az xəbər verir ki, Aqnar Kristensenin baş məşqçisi olduğu komanda 16-cı tur çərçivəsində doğma divarlar arasında “Sogndal” ilə qarşılaşıb.
Görüş 2:2 hesabıyla başa çatıb. “İnter”in rəqibi 22 və 26-cı dəqiqələrdə buraxdığı qollarla məğlub duruma düşsə də, 38-ci dəqiqədə Ondraşek hesab arasındakı fərqi azaldıb. 63-cü dəqiqədə Pritçard qırmızı vərəqə alaraq komandasını azlıqda qoysa da, “Tromse” bundan cəmi 6 dəqiqə sonra Fojutun qolu ilə bərabərlik qolunu da vurmağı bacarıb.
Hazırda “Tromse” 16 oyundan sonra topladığı 20 xalla 9-cu yerdə gedir.
Qeyd edək ki, “İnter”lə “Tromse” arasındakı ilk oyun iyulun 18-də səfərdə, cavab görüşü isə ayın 25-də Bakıda keçiriləcək.
